लेखा अधिकृतहरुको बढुवाको सूची संशोधन गरिएको छ । तत्कालीन संघीय मामिला तथा सामान्य प्रशासन मन्त्रालयले जेष्ठता र कार्यसम्पादन मूल्यांकनका आधारमा गत बर्ष जेठमा नेपाल प्रशासन सेवा,लेखा समूहका अधिकृतहरुको बढुवाको सूची प्रकाशन गरेको थियो । सो सूचीविरुद्ध तिर्थराज तिर्थराज आचार्य र गोविन्द कोइरालाहरुले दायर गरेको छुट्टा छुट्टै रिट उपर प्रशासकीय अदालतमा सुनुवाईको क्रममा न्यायधीशत्रय अध्यक्ष डा टेक बहादुर घिमिरे,नवल किशोर यादव र आलोक चन्द्र श्रेष्ठको इजलाशले पुनरावेदन दावी पुग्ने निर्णय गर्दै बढुवा बदर हुने निर्णय गरेको थियो । सोही निर्णयका आधारमा लेखा अधिकृतको बढुवाको संशोधित सूची सार्वजनिक गरिएको हो ।
भूमि व्यवस्था,सहकारी,संघीय मामिला तथा सामान्य प्रशासन मन्त्रालयको बढुवा समितिको बिहिबार बसेको बैठकको निर्णय अनुसार संशोधित सूची अनुसार,क्रमश त्रिविविक्रम शर्मा,खेमनाथ आचार्य,रमेश भट्टराई,सरिता न्यौपाने पाण्डे,रामकुमार शाह,महादेव पन्त,फणिन्द्र ढुंगेल,गोविन्द प्रकाश भट्टराई,महेन्द्र प्रकाश भुषाल,अमर बहादुर भुजेललहरु बढुवा भएका छन् ।
यस्तै,संशोधित सूची अनुसार,कृष्ण सिंह भण्डारी,हरिप्रसाद ज्ञवाली,ख्याम राज पौडेल,टिकेन्द्र प्रसाद जोशी,पद्य मौनी,उद्धव लामिछाने,राधा पौडेल,देवेन्द्र पौडेल,मानभक्त श्रेष्ठ,खगराज शर्मा,खिमबहादुर अधिकारी,गजाधर सार्कीहरु बढुवा भएका छन् । सूची अनुसार,मधुकर रायमाझी,ज्वालाप्रसाद घिमिरे,गणेश घिमिरे,टेकलाल भुर्तेल,विश्वराज पन्थी,रामबहादुर बोगटी,गोविन्द कोइराला,तिर्थराज आचार्य,दानबहादुर खनाल र खेमराज जोशी गरी ३२ जना कर्मचारीहरु लेखा अधिकृतमा बढुवा हुन सफल भएका छन् ।
बिज्ञापन
